Manila, Philippines – Muling pinanindiganan ni Pangulong Rodrigo Duterte na hindi siya bibigay sa anumang pamimilit upang makipag-away sa China.
Ayon sa Pangulo, mayroong iba pang problema na mas dapat niyang atupagin kaysa sa pagdi- deklara ng giyera sa China.
Ilan sa mga ito, ay ang terorismo sa Mindanao dulot ng teroristang grupo na ISIS.
Kung makikipag-away aniya ang Pilipinas sa China, at sumabay pa sa eksena ang ISIS, tanong ng Pangulo, saan na pupulutin ang bansa.
Dahil dito, sinabi ng Pangulo na hindi ito ang panahon para sa pagyayabang lalo na’t wala naman aniya talaga tayong kakayahang makipag-giyera sa China.
Facebook Comments
