Manila, Philippines – Patay ang dalawang lalaking drug pusher matapos makipagbarilan sa mga pulis sa buy-bust operation sa Sta. Cruz, Maynila.
Kinilala ang mga namatay na sina Luisito Torilla, 39-anyos at Ricardo Reyes, 20-anyos.
Sa imbestigasyon, matapos magkaabutan ng buy-bust money at shabu ay agad na pumasok sa eskinita ang mga operatiba ng MPD Station 3 para arestuhin ang mga suspek.
Ngunit biglang nagpaputok ang dalawa kung saan dito na gumanti ang pulis at nabaril ang mga suspek.
Isinugod ang dalawa sa Chinese General Hospital matapos magtamo ng mga tama ng bala sa katawan ngunit binawian din ng buhay.
Nakuha sa mga suspek ang dalawang baril at pitong sachet ng shabu.
Facebook Comments
