Cebu – Patay ang isang pulis na pinaniniwalaang “protector” ng napaslang na drug lord sa central Visayas na si Jeffrey “Jaguar” Diaz sa ikinasang buy-bust operation sa Barangay Tipolo, Mandaue City, Cebu.
Kinilala ang nasawing pulis na si Senior Inspector Raymund Hortizuela na kasalukuyang naka-destino sa Negros Oriental Provincial Police Office.
Sa ulat, nanlaban ang suspek na pulis sa operasyon kaya napilitan ang kaniyang kabaro na paputakan ito.
Base sa impormasyon, kabilang si Hortizuela sa listahan ng Philippine Drug Enforcement Agency (PDEA)-Region 7.
Na-recover sa sasakyan ng suspek ang isang plastic na naglalaman ng 75-pirasong pakete ng shabu, dalawang baril at bag na naglalaman ng P68,000.00.
Facebook Comments
