Pasig City – Patay ang isang tulak ng droga matapos manlaban sa mga pulis sa buy-bust operation sa Barangay Palatiw, Pasig City.
Kinilala ang suspek bilang si alyas Carlo.
Sa ulat, nakabili ang mga pulis ng shabu na nagkakahalaga ng P200 sa suspek na si alyas Carlo pero nakatunog siya na mga alagad ng batas ang kaniyang ka-transaksyon.
Agad nagpaputok ng baril ang suspek kaya at napilitan lang gumanti ang mga otoridad at tinamaan ito sa likod.
Tinangka pa ng suspek na tumalon sa Parian Creek subalit hindi na ito nakalayo pa dahil sa tinamong sugat sanhi ng tama ng bala kung saan naisugod pa siya sa ospital pero nasawi naman din habang ginagamot.
Narekober sa suspek ang limang sachet ng shabu at isang kalibre .45 na baril subalit nakatakas naman ang isa pang kasama nito na hindi pa tukoy ang pagkakakilanlan.
