Jose Dalman, ZDN-Padayon pa nga nagpaalim sa samad tinigbasan ang biktima nga si Edwin Sael Maglangit kinsa gitigbas ni Roland Anding Bunu-an pulos residente sa may brgy. Sigamok, lungsod sa Jose Dalman, ZDN.
Sa gihimong makuti nga imbistigasyon sa kapulisan sa maong lungsod, samtang ang biktima nanugway kini sa iyang baka, nagkahimamat kining duruha ug misangpot sa init nga panaglalis.
Imbis nga mo pauli na ang biktima, gibabagan kini sa maong person of interest ug sa walay daghang pangutana gitigbas niini ang biktima maayo pagkalaplap sa toong aping sa biktima.
Dali ra usab nga nasikop ang person of interest human girespondehan sa kapulisan sa Jose Dalman.
Lauman nga karong adlawa mapasaka na ang kaso ngadto sa korte batok sa maong person of interest. Gibutyag sa imbistigador nga personal nga bangi ang hinungdan sa maong pagpanigbas.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
