NAPALONG | Balay nga nasunog sa Barangay 2, Roxas City, ginrespondehan sang BFP; kalayo, madasig nga napalong

268

Roxas City, Capiz- Nagapadayon pa ang imbestigasyon sang Bureau of Fire Protection–Roxas sa nagluntad nga sunog sa Aguinaldo Street, Barangay 2, Roxas City.
Madasig nga nagresponde ang mga bombero kabangdanan nga napalong gilayon ang kalayo kag wala na maglapta sa iban nga mga balay sa nasambit nga lugar.
Ang balay nga nasunog ang ginapanag-iyahan sang mag-asawa nga sanday Marilyn Versabal kag Rick Versabal.
Nahibaluan nga nakit-an sang manugbantay sang water-refilling station ang pag-ibwal sang kalayo sa isa ka hulot sa ikaduha nga panalgan sang nasambit nga balay kag nagpanawag ini sang bulig.
Ginapatihan nga may mga nakasaksak nga mga appliances sa sulod nga ginalantaw amo ang gintunaan sang sunog.
(c) Google Map

Facebook Comments