NAPASAKAAN NA | Drug suspect kag kaupdanan sini nga nakuhaan sang masobra P1-miilion pesos nga balor sang shabu, napasakaan na sang kaso

85

Roxas City, Capiz- Ginkumpirmar ni Police Senior Inspector Hilbert Gervero, hepe sang Provincial Drug Enforcement Unit sang CPPO nga napasakaan na sang kaso ang mga persona nga nadakpan sa buy bust operation sa Brgy. Sibaguan sang nagligad nga semana kun sa diin binulto nga shabu ang narekober.
Kaso nga paglapas sa R.A 9165 ukon Comprehensive Dangerous Drugs Act of 2002 ang paga-atubangon sang subject person nga si Florencio Abalayan Jr., live in partner sini nga si Cherry Jardeleza kag alyas “Mark” nga menor de edad nga upod man nila kag amo ang gina-alegar ginasugo sa pagduso sang druga.
Sa madumdoman, kapin sa 101.26 ka gramos sang ilegal nga druga ang narekober sa amo nga mga persona kag ini ang nagabalor sang 1.2 million pesos kun mabaligya na.

Facebook Comments