Bulacan – Umakyat na sa 32 drug personalities ang napatay sa ikinasang one time big time drug operation ng PNP Bulacan.
Sa ulat ni Bulacan Police Provincial director Sr Supt. Romeo Caramat Jr labing isang drug personalities ang nagdagdag sa mga napatay.
Napatay ito sa patuloy na one time big time operation mula ala una ng hapon kahapon hanggang hating gabi kahapon.
Ang unang naitalang 21 drug personalities ay napatay mula hating gabi kahapon hanggang ala una ng hapon kahapon.
Paliwanag ni Caramat 32 sa mga drug personalities na napatay sa operasyon ay 16 dito ay notorious drug personalities, dalawa ay mga dating sumuko na sa pulisya at ang iba pa ay may bagong natukoy na drug personalities.
Sa ngayon tiniyak ni Caramat na tuloy tuloy ang kanilang gagawing one time big time operation para masawat ang mga drug addict.
