Davao City – Ginasuta na karon sa Police Regional Office (PRO)-XI ang mga background sa 3 ka motor nappers nga napatay sa otoridad human kini misukol sa mga pulis sa Barangay Salvacion Carmen, Davao Del Norte niadtong Lunes sa gabii, Marso 25, 2019.
Sa report sa PRO-XI giila niini ang mga suspek nga mao sila Adrian Alibangbang, 18, estudyante, Eric Rabago Tejada, 34-anyos ug Jericks Baterna Dulla nga pulos residente sa syudad sa Panabo.
Sumala sa Carmen Police, ilang gi-respondehan ang report sa usa ka Kim Sandig nga gikawatan sa iyang motor sa tulo ka mga armadong lalaki nga nakamotor sa maong lugar.
Naabtan pa sa kapulisan ang mga suspek rason nga misangpot sa pagbinay-loay sa bala tali sa ilang grupo nga gikamatay sa mga suspek.
Nakuha sa nahisgutan ang motorsiklo nga gipanag-iyahan sa mi-report sa insidente apil na ang usa ka motor nga baliktad ang plaka ug 3 ka mga armas.
Gikanayon sa hepe sa PRO-XI nga si Police Chief Supt. Marcelo Morales nga ila pang pakusgan ang “No Plate, No Travel Policy” aron mabatukan ang unsa mang kriminalidad sa rehiyon.
“We will look into the background of these criminals. Rest assured that PRO11 will continue to make headway in containing, if not stopping this menace of motornapping.” segun niini.
RadyoMaN Kirby Manzon
