ILOILO – Nakilala na ang bangkay sang ginapatihan miyembro sang New People’s Army (NPA) nga una ginreport napatay kasunod sang nagluntad nga engkwentro sang nakaligad nga semana sa tunga sang 61st infantry batallion kag mga rebelde sa Brgy. Canawillian, Janiuay, Iloilo.
Ginpahayag ni Captain Eduardo Precioso Jr., Spokesperson sang 3rd infantry division sang Philippine Army, ginkilala ang bangkay nga Jose Diaz, 25-anyos sang Tapaz, Capiz.
Suno kay Precioso nga ginkilala ang nasambit nga bangkay sang utod sini.
Natalana nga ipaidalum sa autopsy ang bangkay ni Diaz nga may pilas sa wala nga dughan kag ilok base sa initial nga impormasyon sang Janiuay PNP.
Facebook Comments
