Ginkumpirmar ni Mr. Jack Arroyo, spokesman sang OWWA Region 6 nga may pamilya nga nagpadulong sa ila opisina nga nagpangayo sang advise kon paano mapabalik papuli sa Pilipinas ang OFW nga napatay upod sa iya amo kag ama matapos maabtan sang sand storm kag naaksidente sa Saudi Arabia.
Suno kay Arroyo nga kumpirmado nga taga-Probinsya sang Iloilo ang natungdan nga OFW nga ginapahayag napatay tuga sang sand storm.
Magluwas sini, wala na sang mahatag nga impormasyon ang OWWA region 6 natuhoy sa insidente bangud wala pa sila sang nabaton nga incident report direkta mismo sa Saudi authorities.
Suno sa iya nga nagpangayo man sang advise ang mga natungdan sa DFA natuhoy sa repatriation sang bangkay halin sa nasambit nga pungsod.
Apang gin-athag ni Arroyo nga indi pa nila makumpirmar kon matuod ukon indi ang nasambit nga impormasyon.
