Taguig City – Sugatan ang isang security guard matapos saksakin ng kainuman sa Mahogany Street, Barangay Bagumbayan, Taguig City.
Nakilala ang biktima na si Victoriano Jevy, 29-anyos at residente lang din sa nabanggit na lugar.
Sa initial na imbistigasyon ng Taguig PNP, nakasagutan ng biktima ang kasamahan nitong guwardiyang si Randy Basoy habang nag iinuman.
Napikon ang suspek at kumuha ng kitchen knife na may habang 10 pulgada saka sinaksak ang biktima.
Agad dinala sa Taguig Pateros District hospital ang biktima habang mabilis din naman nadakip ang suspek na tinangka pang tumakas matapos ang insidente.
Facebook Comments
