Gintawag nga ‘tinamad nga estilo’ ni NAPOLCOM 6 Director Atty. Joseph Celis ang 24-hour straight nga duty sang kapulisan.
Angot diri, nagapanawagan ni Celis sa mga hepe sang kapulisan sa rehiyon nga islan ang 24-hour duty scheme sang mga kapulisan.
Suno kay Celis, imposible nga bugtaw ang pulis 24 oras.
Bangod sini, ginasuhestyon man ni Celis nga mas maayo nga himuon sang mga hepe nga 2-3 shifts ang duty sang pulis para mangin effective kag efficient sila sa ila trabaho.
Ang pahayag ginhimo ni Celis matapos iya nadiskubrehan nga nagakatulog ang 6 ka pulis on duty sa Banga PNP sa Aklan bangod sa 24 hour straight nga duty.
Ini kabahin sa gihapon sang on the spot inspection sang NAPOLCOM sa mga police station sa bug-os nga rehiyon.
Photo via PRO 6
