Davao City – Wala na makasibat gikan sa presensiya sa kapulisan ang upat ka tawo kinsa nagsugal og mahjong alas 8:00 kagabii.
Preso karon sa Buhangin PNP mao sila si Arthur Napalit, 53 anyos, Melanie Songcayavon, Allan Ebuha, ug Herminio Lacson, pulos residente sa Dumanlas Buhangin ning dakbayan.
Sumala sa hepe sa presinto 5 nga si Police Chief Inspector Jack Tilcag nga nakadawat matud pa siya og tawag gikan sa concern citizen labot sa mga nagsugal sa lugar.
Gilayon gimandoan sa hepe ang iyang ginsakpan sa pagpanguna ni PO3 Peter John Decadiz sa pagronda sa dapit ug akto nasapon nga nagdula og mahjong mao gipangdakop sila.
Nakakumpiska sa kapulisan ang mga ebidensiya sa mahjong lakip ang 200 pesos nga pusta.
Pikas bahin, nasikop usab sa kapolisan sa Calinan PNP ang unom ka mga tawo human nagdula ug tong-its alas 3:30 sa hapon didto sa Purok 3 Lacson Calinan siyudad sa Davao.
Subay sa blotter sa kapolisan nasayran naila ang mga dinakpan mao sila si Annable Bersa, Juanito Tungo, Annie Mae Tajan Tajan, Lolibeth Limboy, Lourdes Nuega, Ronald Macarine, puros hingkod ang idad ug mga residente sa nasampit nga lugar.
Matud pa samtang nagpatrolya ang kapolisan niadtong tungora hinungdan nga naaktuhan ang mga suspect nga nagsugal hinungdan gipang aresto.
Nakuha gikan sa suspect ang mga illegal gambling paraphernalia sama sa duha ka set sa mga baraha lakip ang kwarta nga gipangpatad nga mokantidad ug 250 pesos.
Pahamtangan og asunto ang napulo ka dinakpan sa piskalya karong adlawa subay sa kalapasan sa illegal gambling.
RadyoMaN Joel Viray / Radyoman Don Pulayao
