Davao City – Atol sa pagpagawas sa listahan sa mga narco-politicians sa nasod Pilipinas karong semanaha una ang lokal nga eleksyon, adunay duha ka mga gina-ekspektar ang Philippine National Police (PNP).
Sa ekslusibong pakighinabi kang PNP spokesperson Chief Supt. John Bulalacao sa programang Straight to the Point, unang gibutyag niini nga posibleng adunay oposisyon nga mahitabo gikan sa nagkalaing grupo sama na lamang sa human rights advocates.
“Syempre gusto nilang protektahan ang karapatan ng tao na nasa listahan ng narco list,” pasabot niini.
Ikaduha, gitataw ni Bulalacao nga makabenepisyo ang kapulisan niini gumikan makahibalo na sila kung kinsa nga mga politiko ang nalambigit sa iligal nga drogas.
Lantaw niini, posibleng kwestyonon sa Commission on Human Rights (CHR) ang Philippine Drug Enforcement Agency (PDEA) ug PNP kalabot niini apan giseguro ni Bulalacao nga andam ang national police organization panahon nga pangayoon ilang eksplanasyon.
Sa pikas bahin, gipamahayag sa tigpamaba sa PNP nga aduna nay 5,744 ka mga election watch list areas sa nasud Pilipinas diin.
Giklaro niini nga posible pa’ng makuhaan o madugangan ang watch list areas gumikan nagapadayon pa ang validation niini.
RadyoMaN Jason Amisola
