Davao City- Naghulat nalang og mando ang Philippine Drug Enforcement Agency kun PDEA XI kalabutan sa gipagawas nga pamahayag ni President Rodrigo Duterte kung kanus-a isapubliko ang Barangay Narco list.
Kini ang giingon ni PDEA XI Regional Director Antonio Rivera gani sigun niya nga angay lang ibulgar sa publiko ang mga opisyal nga nalambigit sa iligal nga droga aron masayran sa mga botante og kinsa ang botohan sa umaabot nga eleksyon.
Gibutyag usab sa regional director nga problema karon sa buhatan og unsaon pag-clear sa barangay og ang usa ka opisyal nalambigit sa iligal nga droga.
Una ng giingon ni Rivera nga adunay napulo ka mga narco politicians sa rehiyon XI diin sagad niini mga Brgy. Kagawad ug tulo ka Kapitan apan sa gihimong monitoring ang uban wala na nagpakita sa ilang brgy.
RadyoMaN Don Pulayao
