Narco nga barangay kapitan nadakpan sa operasyon sa kapolisan

[image: Narco.jpg]
Wala na mipalag ang wanted nga barangay kapitan sa munisipyo sa Kiamba probinsya sa Sarangani human nga kini gidakop tungod sa giatubang nga kasong may kalabutan sa iligal nga droga.

Giila sa Sarangani Provincial Police Office ang suspek nga si Brgy. Captain Latip Mingkat sa Tambilil, Kiamba, Sarangani Province.

Alas 4:15 sa hapon dihang nasikop ang nasangpit pinasikad sa warrant of arrest sa kasong kalapasan sa Section 11, ART II sa RA 9165 nga may criminal Case No. 00834-18 nga gipagula ni Hon. Judge Rebecca G. Dardo-Seredrica, Presiding Judge sa Branch 46, Alabel Sarangani.