Davao City – Dili makahatag og ensaktong datos ang program director sa Davao City Anti Drug Abuse Council (CADAC) sa mga barangay officials nga nalambigit sa operation sa gidiling droga.
Sumala ni CADAC program director Ronaldo Rivera, bugtong ang dunay ensaktong datos niini mao ang Philippine Drug Enforcement Agency (PDEA) apan nagtoo siya nga dunay mga politiko nga nalambigit niini.
Ensakto ang gihimo sa PDEA sa ilang panawagan nga dili na lang magpapili kadtong mga narco barangay politicians aron dili sila maulawan.
Matud ni Rivera posibleng maulawan gayud sila panahon sa kampanya.
Angayan lang pasakaan og kaso ang mga Barangay Anti Drug Abuse Councils (BADACs) nga wala magpakabana sa kampanya batok gidiling droga.
Gidugang ni Rivera nga ang kadaghan sa mga nagsurrender pagpamatuod lamang kini nga dili aktibo ang mga BADAC human namugna sa hataas na nga panahon.
RadyoMaN Bernard Pantallon
