Davao City – Mag-agad gihapon sa katawhan kung kinsa ang pilion sa himoong barangay ug Sangguniang Kabataan (SK) election karong Mayo 14 ning tuiga. Sumala ni Ateneo de Davao University (ADDU) law professor Atty. Arnold Abejaron, bugtong ang wala pa lamang maklaro mao ang mga partido sa mga magpapili sa piniliay.
Giklaro pa ni Abejaron nga mamahimo gihapong tanggalon ang giingong mga grassroots officials nga giingong nalambigit sa operasyon sa gidiling droga sa higayong modaug pag-usab tungod kay anaa na sa Philippine Drug Enforcement Agency (PDEA) ang ilang mga pangalan diin mamahimo silang pasakaan ug kaso aron mataktak sa pwesto pinaagi sa Department of Interior and Local Government (DILG).
Samtang sa hisgutanang mogamit sa drug money ang giingong mga opisyal aron modaug, giingon ni Abejaron nga posibleng mahitabo kini apan nagtoo siya nga dili kini mosalir tungod kay hugot ang kampanya sa gobyerno batok niini ug kun man ugaling modaug, dili gihapon makalusot sanglit pwede man silang pasakaan og kaso.
RadyoMaN Bernard Pantallon
