Narco-politicians makadagan sa election sumala sa COMELEC

19

Davao City – Mamahimo gihapong dawaton sa Commission on Election (COMELEC) ang mga Certificates of Candidacy (CoC) sa mga aspirants nga buot magpapili sa 2019 midterm elections bisan kini giingong narco-politician.

Sumala ni COMELEC-XI Spokesperson Atty. Krisna Samantha Caballero, minesterial ang function sa ilang buhatan gani mamahimo niining dawaton ang mga CoC sa aspirants nga gusto magpapili bisan kini nahilakip sa narcolist.

Gitataw ni Caballero nga kinihanglan kahibalo mobasa ug mosulat, anaa sa legal nga edad ug residente sa Pilipinas lang ang kinahanglan aron makadagan subay sa balaod.

Giklaro usab sa COMELEC nga dili requirement alang sa mga mukandidato ang pagsumite sa ilang drug tests.

Kahinumdoman nga adunay 86 ka mga politiko ang nahilakip sa listahan sa Philippine Drug Enforcement Agency (PDEA).

RadyoMaN Jason Amisola

Facebook Comments