Davao City – Magbaton og kaulaw ug dili nalang mudagan ang mga opisyal nga nalambigit sa iligal nga droga karong umaabot nga Brgy. elections.
Kini ang pipila ka mga pulong nga giluwatan ni Philippine Drug Enforcement Agency kun PDEA XI Regional Director Antonio Rivera atol sa pakighinabi kaniya sa tulumanong Straight to the Point sa DXDC RMN Davao.
Sumala ni Rivera nga bisan anaa sa drug watchlist o wala ang usa ka opisyales apan nagagamit kini o nagapayuhot og iligal nga droga, dili nalang dayunon ang planong pagdagan sa umaabot nga eleksyon alang usab sa kaayuhan sa Brgy.
Nanawagan ang director ngadto sa katawhan nga dili botohan ang mga opisyal nga nalambigit sa iligal nga hinimuan tungod katawhan gihapon ang makaluluoy ug maapektuhan.
RadyoMaN Renz Barbarona
