Nagpaandam ang Philippine Drug Enforcement Agency sa mga narcopoliticians nga may tuyo magbiya sa pungsod nga posible magpangatubang sang kaso administratibo.
Kasunod ini sang report nga magabiya sa Pilipinas si Sincaban, Misamis Occidental Mayor Crisinciano Mahilac nga nalakip sa 46 ka politiko nga yara sa listahan ni Presidente Duterte nga involve sa illegal nga droga.
Suno kay PDEA Dir. Gen. Aaron Aquino, mangin makaduluda ang isa ka narco-politician nga magabiya sa pungsod bangud indi basta-basta makabiyahe ang isa ka opisyal sang gobyerno.
Magluwas diri , ang mga official visit sa iban nga pungsod sang mga government officials ang may permiso sang Department of Interior and Local Government.
Bangud sini, ginpanugyanan sang PDEA ang DILG nga bantayan sang otoridad ang mga yara sa narcolist nga luyag magbiya sa pungsod bangud posible nga malagyo lang ang mga ini.
