NARESCUE|10 anyos nga batang lalaki-gidagit sa North Cotabato, narescue sa Gensan

General Santos City—narescue dinhi sa dakbayan sa Gensan ang usa ka 10 anyos nga batang lalaki kansa gikaingong biktima sa pagpangdagit didto sa barangay Camutan, Antipas, North Cotabato. Ang bata itago lang sa pangalang Alias Jonathan residenti sa nasangpit nga lugar. Sa tala sa Police Station 6, nasuta nga nakit-an sa usa ka Seth Lambito nga taga Antipas North Cotabato ug kasamtangan nanimuyo dinhi sa Gensan ang nasangpit nga bata sa may Queen Tuna Park kagahapong adlawa. Tungod siya sayod nga biktima sa kidnap ang nasangpit, iya kining giturn-over ngadto sa Police Station 6. Subay sa sumbong sa bata, siya gisakay sa mga lalaki sa Van dayon gidala dinhi sa Gensan ug gibutang sa usa ka abandonadong balay. Apan nakasibat matud pa kini mao nga siya nag laroy laroy nalang dinhi sa syudad. Sa karon giturn-over na ngadto sa buhatan sa CSWDO ang nasangpit nga bata, samtang ang kapulisan sa Police Station 6 nakig-alayon na karon sa Antipas Municipal Police Station aron nga sutaon ug biktima ba gyud sa dagit ang nasangpit nga biktima. (Photo From Web) Read More:https://rmn.ph/dxmd927gensan/ rmn.ph/

Facebook Comments