Dumarao, Capiz- Pilason ang isa ka 22-anyos nga lalaki matapos ini ang nabun-an ala una ang takna sang kaaganhon samtang nagapauli sa ila poluy-an halin sa binaylehan sa Brgy. Dacuton Dumarao.
Ginkilala ang biktima kay Virgilio Marcela Jr. y Iligan residente sang Brgy Lawaan, Dumarao, Capiz nga nag-angkon sang pilas sa likod sini.
Ginatudlo nga suspek amu si Reniel Bisar y Palma, 21-anyos sang P.D. Monfort North, Dumangas, Iloilo nga padayon subong nga atlarge matapos nga madasig nga nagpalagyo sang makomiter ang krimen.
Suno sa mga kapulisan, posible nga nasal-an sang suspek ang biktima kag ini ang iya nabun-an.
Nahibaloan nga antes pa man ang insidente, may yara na sang nagluntad nga away sa sulod mismo sang baylehan.
Facebook Comments
