Patay ang isa ka lalaki nga nagapamilsayon sa isa ka namatyan sa Sitio Maniacabac, Barangay Hayobo, Lambunao, Iloilo matapos maigo sang bala nga indi para sa iya.
Ginkilala ang biktima nga si Joemarie Complesa, 32 anyos samtang ang suspek amo naman si Richard Sanchez, 40 anyos , lunsay pumuluyo sang nasambit nga lugar.
Ginpahayag ni PO2 Jessie Pusin, imbestigador sang Lambunao PNP nga may nakabais sa bilasyunan ang suspek nga si Sanchez kon sa diin naggabot ini sang iya de dose nga pugakang kag ginluthang ang iya kaaway,
Subong man, imbes nga sa kaaway ni Sanchez matupa ang bala, nagderetso ini sa biktima nga si Joemarie Complesa nga naigo sa sag-ang nga gintunaan sang kamatayon sini.
Gilayon naman nga nagpalagyo si Sanchez kag nagapabilin nga at large tubtub subong.
