Isa ka bangkay sang lalaki ang nasapwan sa higad sang dalan sa Sitio Baras, Barangay Trapeche, Oton Iloilo mga alas 8:45 sini lamang nga gab-i (Enero 27).
Ang nasambit nga bangkay ginabanta naga-edad sang 30 anyos kag nagasuksopk sang duag green nga T-shirt, naka-maong nga delargo kag may pula nga kalo.
Base sa pagpangusisa sang Oton PNP, nasapwan sang tricycle driver nga si Ronald Servando ang bangkay nga nagahuray-ad sa higad sang dalan kag may igo sang pagluthang sa iya nga ulo.
Suno sa report nga antis masapwan ang bangkay sang biktima, may nabatian nga apat ka lupok ang mga residente sa lugar kag may nakita nga salakyan nga nagpalagyo paguwa sa ila nga sitio.
Padayon pa nga gina-imbestigahan sang Oton PNP ang nasambit nga kaso.
Facebook Comments
