* Gibutyag karon ni Police Chief Inspector Alex Joe Orcajada ang hepe sa Polomolok Municipal Police Station nga napasang-atan na og kaso ang suspek sa entrapment operation human nagreklamo ang biktima og sextortion niaging adlaw. Giila ni Chief Inspector Orcajada ang suspek nga si Paul Michael Yumang Sagalongas, 34-anyos, minyo og residente sa 4th road, Purok Sta. Cruz, Barangay Cannery Site sa munisipyo sa Polomolok. Kasong pagsupak sa Section 11 o paghupot sa iligal nga droga ubos sa Comprehensive Dangerous Drugs Act ang giatubang ni Sagalongas human sa entrapment operation sa kapulisan sa Municipal Plaza, Barangay Poblacion. Gidugang ni Orcajada nga nangayog tabang ang biktimang 19 anyos nga taga-Gensan ngadto sa ilang presinto tungod gina-blackmail kini sa iyang online friend nga nagpailang langyaw. Usa ka alyas “Parker” ang nagbahad nga ipakatag ang ilang sex tape kung dili kini makighilawas sa biktima rason gikasa ang operasyon. Nakuhaan og shabu sa bag ang suspek nga gidakop sa kapolisan apan nakasibat ang main suspek sa panghitabo human naghatag og go signal ang biktima. * *For more info’s and updates, like and share our official facebook account : www.facebook.com/ifm91.9Gensanofficial/ <www.facebook.com/ifm91.9Gensanofficial/>*
