Nasudlan og dautang espirito ? Dul-an sa 30 ka mga tinun -an sa High School sa Ronda giingong nasudlan og dautang espirito

Mga High School Students sa Ronda giingong gisudlan og dautang espirito
Dul-an sa 30 ka mga tinun-an sa Ronda National High School ang giingong gisudlan og dautang espirito pasado alas 10:00 kaganihang buntag.
Matud ni PO1 Edmund Obiso sa Ronda Police Station nga saw ala pa mahitabo ang insidenti nihimo og Earthquake Drill ang mga tinun-an sa school oval , apan kalit lang nagwild ug sama sa wala sa ilang kaugalingun ang dul-an sa 30 ka mga tinun-an nga sagad kanila nag edad og 12 ngadto sa 14 anyos.
Ang mga tinun-an daling gidala sa Our Lady of Sorrows Parish sa Ronda aron ma-ampoan sa kaparian.
Nagkanayon si Fr. Virgilio Dolloza, ang Parish Priest sa nahisgutang simbahan nga ang mga bata nakasinati og Mass Hysteria, apan si Dr. Nicolas Nicdao sa Ronda Rural Unit niingun nga ang mga tinun-an nakasinati og Hyperventilation tungod sa kainit sa panahon ug kaigang.
Matud ni PO1 Obiso nga sa pagkakaron ang tanang mga bata naulian na sa ilang maayong panimuot.
Gisaysay sa usa ka 12 anyos nga tinun-an nga katapusang naulian sa iyang kondisyon nga nakasinati siya og bugnaw nga hangin ug dayun nakuyapan.

Facebook Comments