Roxas City, Capiz – Kinoronahan bilang Miss Republic of the Philippines 2018 ang 18-anyos na beauty queen mula sa lalawigan ng Capiz. Ginanap kagabi ang coronation night ng Search for Mr and Ms Republic of the Philippines 2018 sa Metro Manila kung saan nangibabaw sa lahat ng mga kandidata si Cindy Marriah Dumol. Si Dumol ay ang isang senior high school student ng Filamer Christian University sa lungsod ng Roxas. Kinilala naman bilang Miss RP Mindanao si Chariss Gusay ng Laguna, Miss RP Visayas si Patricia Mae Baratilla ng Caloocan City at Miss RP Luzon si Thamara Alexandria Pacursa ng Davao City. Nakuha naman ni Dennis Frias Malones ng Bulacan ang korona bilanga Mr. Republic of the Philippines 2018. Kinilala naman bilang Mr. RP Luzon si John Carlo Morales ng Bataan, Mr. RP Visayas si Jay Lester Abrenica ng Lipa City at Mr. RP Mindanao si Jedryk Costes ng Taguig City. Masaya at nakaabang na ang mga pamilya at taga-suporta ni Dumol sa kanyang pag-uwi sa Capiz dala ang korona bilang Miss Republic of the Philippines 2018.
(Photo from normannorman.com) tags:Visayas,Roxas,DYVR,DYVR657,Capiz, Miss Republic of the Philippines 2018,Cindy Marriah Dumol, Filamer Christian University
