Naabo ang isa ka balay matapos masunog pasado alas 8 kagab-i sa barangay Poblacion, Banate, Iloilo.
Ginpahayag ni barangay Kagawad Winnie Bacabac nga ang balay nga nasunog ginapanag-iyahan ni Jose Arcanio kon sa diin wala gid sang may nasalbar nga pagkabutang bangud madasig ang paglamon sang kalayo.
Suno kay Bacabac nga wala sang tawo ang balay sang magluntad ang sunog.
Suno pa sa iya nga antis magtuhaw ang sunog, ginpahayag nga may nag-ininum pa sa amo nga balay nga posible nagsindi sang sigarilyo kag ginhaboy ang upos nga posible nagmakot kag nagresulta sang amo nga sunog.
Ginabanta nga naglab-ot sa 10 tubtub 12 mil pesos ang balor sang balay nga nasunog suno kay kagawad Bacabac.
