NASUNOG-PATAY! | Lalaki nga nagakay-o sang motor samtang nagaluto, patay sang masunog ang ginauyatan nga kabo nga unod nga gasolina

Jamindan, Capiz – Ginbawian sang kabuhi ang 34-anyos nga lalaki matapos nasunog sa Barangay Linambasan, Jamindan, Capiz. Ginkilala ang biktima nga si Ronilo Villasis alyas Ronel sang Sitio Proper, sang nasambit nga barangay.
Base sa imbestigasyon sang Jamindan PNP, nagaluto sang pansit samtang nagakay-o sang iya motor ang biktima. Ginabitbit sini ang kabao nga may unod nga gasolina samtang nagapadulong sa dalapugan nga nahamtangan sang iya ginaluto nga pansit.
Gindakup sang kalayo ang iya ginabitbit nga kabo nga may gasolina kag nagdabadaba ini. Bangud sa kulba kag kakibot sang biktima, aksidente nga nabasya sini sa lawas ang kabo nga may gasolina kag nasunog ini.
Nag-angkon sang 3rd degree burn sa lawas ang biktima nga si Villasis kag madasig nga gindala sa isa ka ospital sa syudad sang Iloilo apang ginbawian ini sang kabuhi. Nahibaluan nga may ginabatyag man nga hapo ang nasambit nga biktima. Suno sa Samindan PNP, nagluntad ang insidente mga 12:40 kahapon sang hapon, apang kaina lng sang aga nagpa-blotter ang pamilya sang biktima.

Facebook Comments