Pontevedra, Capiz -Tatlo ka mga balay ang gintupok sang kalayo sa nagluntad nga sunog sa San Diego Street, Barangay Hipona, Pontevedra, Capiz mga alas 3:00 kaina sang kaagahon.
Nahibaluan nga totally burned ang balay nanday Mario Burgos kag Hernan Borbon samtang partially burned naman ang balay sang pamilya Batugal. Base sa inisyal nga imbestigasyon sang mga katapo sang Pontevedra Fire Station, nagikan sa ikaduha nga panalgan sang balay sang 56-anyos nga si Hernan Borbon ang kalayo kag naglapta sa kalapit balay nga ginapanag-iyahan ni Mario Burgos 60-anyos nga human lamang sa light materials.
Sa karon, nagapadayon pa ang imbestigasyon sang mga katapo sang Pontevedra fire station, agud hibaluon ang kabug-usan nga kahalitan tuga sang amo nga sunog.
*(photo credit: to the owner)*
