Nadawat ang fire alarm karong adlawa, Enero 23, sa alas 8:32 sa buntag. Suma pa sa report, 12 ka panimay sa may Sitio Baca sa Apas, Cebu City ang naugdaw. Kapin 20 ka pamilya ang apektado. Kasagaran sa mga fire victims mga nag-abang lamang sa maong lugar.
Suma pa sa DSWD sa siyudad nga makadawat og tag 10,000 pesos ang mga tag-iya sa panimay nga nasunog og tag 5,000 pesos ang matag nag-abang nga indibidwal.
Sa initial report sa BFP sa siyudad nga linya sa kuryente sa usa sa mga panimay maoy sinugdanan sa sunog.
Magselebrar na unta ang maong mga lumopyo sa Sitio Baca alang sa ilang kapistahan karong Enero 26 nunot sa ilang pagrespeto sa ilang patron nga si Sr. Sr. Sto. Niño.
Maong pahinumdom sa tanan nga magbinantayon gyud sa mga linya sa kuryente sa ilang panimay. Kung naay mga namatikdan nga posibleng maka-cause og sunog mas maayo nga e-fix o ipaayo sa electrician.
