Unom ang sakop ni Nanay Antonette Alip, busa magdasok sila og tulog sa gamay nga espasyo sa covered court ug nakapahuot pa og maayo ang ilang mga gamit nga nagsilbing dibisyon sa uban.
Maong nagpanikad si Nanay Antonette nga makatukod og pag-usab sa ilang balay sa Purok-8 butang dili nila mabuhay sa karon kay dili una sila pabalikon subay sa ilang namitiningan.
Nagyawyaw si Nanay Lourdes Alogan sa ilang sitwasyon kay gawas init sa evacuation center wa’ pa gyo’y klaro nga comfort room alang sa ilang pagbawas og hugaw ug pagligo.
Mas na-itop si Nanay Lourdes dihang iyang nasayran nga madugay pa sila og istar sa evacuation center kay dili paman una sila pabalikon og tukod sa ilang balay.
Hinoon, walay problema si Nanay Lourdes sa pagkaon tungod bastante ang ilang ayuda gikan sa lokal nga gobyerno ug sa mga pribadong indibidwal ug sa mga grupo nga naluoy sa ilang kahimtang.
Una nang gilimod ni Barangay 21-C Kapitan Edmundo Altizo ang alegasyong wala niini labani ang mga nasunogan sa mandar ni City Engineer’s Office Head Atty.Joey Felizarta.
Gipasabot ni Kapitan Altizo ang plano nga pag-subdivide sa ilang dapit ug pagbuhat og dakong dalan adiser sila tugtan nga magtukod sila pag-utro sa ilang mga pinuy-anan.
Sila Nanay Lourdes ug Antonette pareho dili mutuo sa isyu nga wala sila labani ni Kapitan Altizo diin nagtoo ang opisyal nga pulitika ang naa sa likod sa pagpangdaot ngadto kaniya.
RadyoMan Joel Viray
