NAT del Ciudad de Lamitan bajo.

Maga oficiales del Deped na Basilan incluido el maga supervisors, maga maestro, maestra y maga miembros del local School Board el ya man hunta este dia na un Education Summit que ya encabeza el Govierno Local del ciudad de Lamitan.

Asegun Lamitan City Mayor Rose Furigay este actividad parte na programa del Governance Week que ta observa el ciudad este anio, y na mismo tiempo para anima con el DEPED para trabaha mucho para ase subi otravez con el calidad del Edukasyon na ciudad.

Comformesta base na mas reciente resulta del DEPED el ciudad de Lamitan ya saka lang na 40.55% na National Achievement Test del anyo 2015-2016 mas baho compara del anyo 2014-2015 donde ya pwede obtene na 74.10%.


Siguiendo coneste resulta ta esperanza mucho el governio local que pormedio desde summit hunto con el maga oficiales del SYNERGEIA ay pwede otravez ase subi con el calidad del edukasyon na ciudad de Lamitan ammediante el supporta y fondo que ta basha el administrasyon di Furigay con el Sector del Edukasyon na Ciudad.

Facebook Comments