Ini matapos nga nagdesisyon ang Wolves nga i-trade si Butler kag Justin Patton sa Philadelphia 76ers kabaylo sang shooter nga si Dario saric, Robert Covington, Jeryd bayless kag 2022 second-round pick. Ginpahayag nga si butler mismo ang nag-request sang trade bangud dismayado siya sa pawala nga batasan sang duha ka main man sang team nga sanday Carl Anthony Towns kag Andrew Wiggins.
Apang suno naman kay Timberwolves President and Coach Tom Thibodeau, nabudlayan ang team maghampang upod kay Butler gani nagakapierdi sila. May win-loss record karon ang Wolves nga 4-9 kag nagakapang-katorse sa western conference nga ginapangunahan sang defending Champion Golden state warriors nga may 11-2 win-loss record. samtang, ang sixers naman may win-loss record nga 8-6 kag nagapang-lima sa eastern conference standing kon sa diin nagapanguna naman ang Toronto raptors ni Kawhi leonard nga may 12-1 win-loss record.
sa mga resulta sang hampang subong nga adlaw Nobyembre 11, ginlutos sang raptors ang new york knicks 128-112. Pierde ang Milwaukee bucks sa LA Clippers 128-126. Ginkamasaan sang New Orleans Pelicans ang Phoenix Suns 119-99. Daug ang washington wizards sa miami heat 116-110. kag, grabe nga kamasa naman ang ginhimo ni Lebron kag sang lakers sa sacramento kings 101-86.
