GENERAL SANTOS CITY- Gipasara sa Securities and Exchange Commission (SEC) ang dose ka mga online lending companies tungod sa pag-operate nga walay igong lisensya.
Sa statement gikan sa SEC, gianunsyo sa ahensya ang bag-ong set sa mga online lenders o pautang nga gimanduan mangundang na sa ilang operasyon human madiskobrehang dili otorisadong mag-provide og pautang sa publiko.
Ang mga gipasarhan – A&V Lending Mobile, A&V Lending Investor, A.V. Lending Corporation, Cashaku, Cashaso, CashEnergy, Happy Loan, Peso Pagasa, Vito Lending Corp.,Phily Kredit, Rainbow-Cash ug Rainbowcash.Ph Lending Corp.
Gi-isyu sa SEC ang closure order niadtong October 10, kung asa ang nasangpit na mga unregistered o unlicensed lending firms nisupak sa Lending Company Regulation Act of 2007 nga mag-atubang og multa nga ₱10,000 ngadto sa ₱50,000 o pagkapreso hagtod 10 ka tuig.
For more info’s and updates, like and share our official facebook account : www.facebook.com/ifm91.9Gensanofficial/
[image: loan.jpg]
