Nasa P800,000 halaga ng danyos ang naitala makaraang masunog ang opisina ng National Archives of the Philippines sa UN Avenue, Manila kaninang ala-1:04 ng madaling araw.
Sa ulat ng Bureau of Fire Protection-National capital Region (BFP-NCR), nagsimula ang sa chief administrative office sa ikaanim na palapag ng PPL Building.
Umakyat sa ikalawang alarma ang sunog bago tuluyang naapula alas-3:13 kanina.
Wala namang nasaktan sa sunog.
Wala rin ibang opisina ang naabot ng apoy at walang mahahalagang dokumento ang nasira.
Patuloy na iniimbestigahan ng BFP ang sanhi ng sunog.
Facebook Comments
