Ginbuksan kahapon ang selebrasyon sang National Disaster Resilience Month nga may tema “Kahandaan sa sakuna’t peligro para sa tunay na pagbabago”.
Ini agud labi pa nga mapataas ang ihibalo sang publiko kon ano ang dapat himuon pananglitan may magaluntad nga kalamidad.
Angut sini, isa ka motorcade ang gin-organisar sang Regional Disaster Risk Reduction and Management Council ukon RDRRMC sa siyudad sang Iloilo kabuylog ang nagkalain-lain nga ahensya sang gobyerno kag subong man sang pribado nga sektor.
Magluwas diri, may nagkalain-lain nga aktibidad nga ginhanda ang RDRRMC sa selebrasyon sang Disaster Resilience Month kag ini ginalakipan sang Bike for resilience and tree planting nga hiwaton sa Jordan, Guimaras sa Hulyo 7; may hiwaton man nga static display sang mga rescue equipment kag IEC materials sa SM city sa Hulyo 13 kag sa Hulyo 20 may hiwaton nga poster making contest.
