Roxas City, Capiz – Kapin sa 1,047 ka mga negosyante sang humay kag mais ang target nga mahatagan sang lisensya sang National Food Authority (NFA) diri sa Capiz para sa ila pagnegosyo subong nga tuig.
Ginpahayag ni NFA Capiz Information Officer Mary Christie Harion nga ang nasambit nga lisensya ang kinahanglanon para makasugod ukon makapadayon sila sang ila pagnegosyo sang bugas, humay o mais.
Sining bulan sang Enero, patigayunon ang renewal sang mga lisensya sang amo nga mga negosyante para sa mga banwa sang Cuartero, Dao kag Dumarao.
Ginklaro man ni Harion nga para sa mga bag-o nga mga aplikante, sarang sila maka-apply sa pagkuha sang lisensya sa ano nga bulan sang tuig antes magsugod ang ila negosyo.
Mahibaluan nga kapin sa 1,280 ka mga negosyante sa probinsya ang nahatagan sang lisensya sang NFA-Capiz sang nagligad nga tuig 2018.
By Jemin B. Guillermo/PIA-Capiz
file photo © NFA-Capiz
