Davao City – Alang nako, walay dautan sa laraw nga Filipino Identification kun National ID System gumikan sa akong tan-aw, maayo man ug dalaygon ang mga katuyuan ug motibasyon sa mga nagpanday niini kana mao ang pag-simplify sa atong ID mechanism ug haron mas molig-on pa ang atong pamalaud ilabi na sa natad sa kahusay ug kalinaw ug seguridad.
Matuod gayud nga kun kita law-abiding citizens kun mabuot nga mga lungsuranon, wala kitay angay kabalak-an sa dihang kita motugyan sa atong mga personal details ngadto sa atong mga awtoridad.
Angay lamang seguraduhon sa atong mga kadagkuan nga adunay pupaigong safeguards kun proteksyon haron ang atong itunol unya nga mga personal information kun datos dili makawat ug magamit sa mga tawong dautan.
RadyoMaN June Duterte
