National ID System dakong tabang sa pagsulbad og krimen

49

Davao City – Dili lamang kutob sa pagtabang sa paspas nga transaksyon ang gilagdaan ni Presidente Rodrigo Duterte nga National identification (ID) system law.

Sumala ni Regional Crime Laboratory Office XI Medico Legal Officer PCI Nolan Genova dako kining ikatabang ilabina aron mapugngan, masulbad ang mga krimen ug maila usab ang mga biktima sa krimen.

Ang bag-ong balaod nag-establisar sa Philippine ID system kun PhilSys nga i-centralized ang database alang sa mga vital information sa tanang mga residente ug mga langyaw nga anaa sa nasud.

Mga personal nga mga datos ang kolektahon sa PhilSys sama sa pangalan, sex, adlaw ug lugar natawhan ug pinuy-anan.

Dugang niini ang biometric information nga mao ang facial image, full set sa fingerprints, iris scan ug tanang identifiable features sa usa ka indibidwal ang ipangsumite.

Gibutyag ni Genova nga susama sa nagpadayong kaso karon sa usa ka chop chop lady naglisod gayod sa pag-identipika ang mga awtoridad sa patayng lawas.

Negatibo sa data base sa PNP Automated Fingerprint Identifier System (AFIS) ang biktima.

Dakong uyon karon si Genova niining National ID system tungod kay daghang makabenepisyo niini ug kung aduna may mga napalgang dead bodies dali kining masubay.

RadyoMaN Aimee Guinita

Facebook Comments