Nagtuo karon si Senator Panfilo Ping Lacson nga mapuslan ug ika lipay kini sa katawhang Pilipino ang NationalID System nga nakatakda kining ipatuman karon karong setyembre.
Matod pa ni Lacson nga ang nag unang hinungdan sa mao nga balaod nga mas mapatunhay ang serbisyo publiko sa gobyerno ug dili para mangita para adunay masilotan.
Pagpaklaro ni Lacson, tungod sa national ID system mapadali ang pakigtransaksyon sa mga ahensya sa gobyerno ug sa mga pribadong buhatan.
Nakasiguro si Lacson nga dako kining tabang ang National ID System sa pang adlaw-adlaw nga akstibidad sa matag usa.
Si Nonoy nga Dipolog giingon niya nga dako kining tabang ug mapuslan gayud ang National ID System ilabi sama niya nga walay kaayo siyay mga I.D ug hasol para kaniya kun aduna siya’y transakyon sa gobyerno.
Giingon niya kun mapatuman tinuod gayud nga mas mapadali ang serbisyo sa gobyerno kini ang iyang paabutan aron makabato siya niini nga ID.
