Nasakote ng Regional Intelligence Division ng National Capital Region Police Office (NCRPO) katuwang ang Cavite Criminal Investigation and Detection Group- Provincial Field Unit at Las Piñas City Police ang isang National Most Wanted Person kahapon.
Kinilala ni NCRPO Regional Director PMGEN Guilleromo Eleazar ang suspek na si Abian Lindon, 33 years old at residente ng Bacoor, Cavite.
Inaresto si Lindon sa bisa ng Warrant of Arrest dahil sa kinahaharap nitong rape case.
Noong 2002 ginahasa ng suspek ang sariling pinsan sa Ilocos Norte.
Ayon kay General Eleazar matapos nilang makatanggap ng impormasyon sa kinaroroonan ng suspek agad nagkasa ng operasyon ang pinagsanib na pwersa ng NCRPO, Cavite CIDG at Las Piñas City Police at dito na nga naaresto ang suspek na ilang taon ding nagtago sa batas.
Paliwanag ni Eleazar ang pagkakadakip ng mga Wanted Person ay magandang senyales upang patuloy na magtiwala ang publiko sa alagad ng batas.
