Sa interview sa DXDC RMN Davao kang National Nutrition Council Davao Program Coordinator Maria Teresa Ungson, gibutyag niya nga ma-food poison ang usa ka tawo gikan sa hilaw nga mga pagkaon, mga pagkaong dili tabunan nga tugpaan sa mga insekto o maigo sa hugaw nga hangin nga duna’y dalang kagaw, ug gikan usab sa mga pagkaong wala gi-preserve og sakto tungod sa pakyas nga temperature control.
Pahimangno ni Ungson sa katawhan nga kung mamalit sa karinderya ug food stalls, siguradohon nga hinlo kini gikan sa ingredients, pagluto, sa mga nagluto ug sa area mismo.
Dugang pahinumdom ilabi na nga duol na ang pasko, likayan ang pagbahaw-bahaw og mga pagkaon ug dili na kini paabtan pa og pipila ka mga adlaw.
“May duty tayo sa sarili natin, sa pamilya natin to also be vigilant. Wag tayo basta-basta magkain kain. Kasi minsan itong mga bacteria, may ibang mahirap i-handle, matagal pa bago ka gagaling,” segun ni Ungson.
RadyoMaN Ivy Parido
