Iwit kaayo ang pilipinas sa association of south east asian nations pag-abot sa gidaghanon sa mga atm nga nagaserbisyo sa mga cardholder niini.
“local automated teller machine (atm) density in the philippines stood only at half compared to other asean countries,” sumala sa bankers association of the philippines nga organisasyon gilangkuban sa mga dagkong commercial bank sa nasud.
Matod pa sa bap, anaa sa 21,000 mga atm lamang ang nagaserbisyo sa 58 milyong cardholder sa pilipinas nga kapareho lamang sa 20 atm sa kada 100,000 cardholder.
Sa ubang nasud sama sa thailand, 94 atm sa kada 100,000 na cardholder samtang ang singapore 49 atm sa kada 100,000 cardholder.
Ang malaysia may 45 atm sa kada 100,000 cardholder ug ang indonesia may 40 atm sa kada 100,000 cardholder.
Gibasol sa bap kini ngadto sa pagpugong sa ilaha nga magpasaka og atm fee sugod niadtong 2013.
“the number of cardholders has been increasing for the past six years. Banks need to keep up with the maintenance and innovation of atms, as well as expansion of atm network to accommodate the surge of atm usage,” asoy pa ni bap managing director benjamin castillo.
Reklamo sa bap, daghang gastos sa pagpadagan sa atm luyo sa makina, ginagastusan sab dinhi ang pag-load og salapi, servicing, pagtubag sa reklamo, reconciliation, software, capacity expansion ug security.
For more info’s and updates, like and share our official facebook account : www.facebook.com/ifm91.9Gensanofficial/
[image: card holders.jpg]
