Davao City – Angayan lang ipatuman ang nationwide curfew on minors alang sa kaluwasan ug aron malikay sa bisan unsang krimen ang kabataan.
Sumala ni Connie Domag, Davao City Anti Drug Abuse Council (CADAC) researcher, pabor siya niining gitinguha karon sa Philippine National Police (PNP) nga magpatuman og curfew on minors sa tibuok nasud.
Usa sa rason nganong nauyonan ni Domag ang maong regulasyon mao nga daku usab kini nga tabang aron dili masugo ang mga kabataan sa paghatud sa gidiling droga isip mga drug courier tungod sanglit kung madakpan sila, dili mamahimong makasohan ug mabilanggo.
Makatabang usab sa mga kabataan ang oras nga dili na sila makagawas sa balay gikan alas 10:00 sa gabii hangtud alas 5:00 sa buntag tungod kay matudloan sila sa mga trabaho sulod sa balay niana nga mga oras.
RadyoMaN Bernard Pantallon
