Davao City – Adunay daghang benepisyo ang planong nationwide curfew on minors apan gikinahanglan masabtan pag-ayo sa mga ginikanan.
Kini mao ang saysay ni PMHA Davao chapter executive leader Precious Manliguez sa pakighinabi kaniya sa programang ‘Straight to the Point’ diin gipasabot niini nga ang maong curfew regulation maglikay sa kabatan-onan gikan sa disgrasya, ma-solusyonan ang mga dilemma sa teenage growth, ug moubos ang mga insidenteng gikalambigitan sa youth karon sama sa krimen, drug abuse ug peer pressure nga mopaingon sa depression.
Base sa datos sa Philippine Mental Health Association (PMHA), mahiligon magtambay sa gawas sa ilang panimalay ang mga batan-on nga nag edad 11 hangtod 20 anyos.
Gipasabot sa executive leader nga kasagaran sa nahisgutang edad anaa sa punto sa pagpangita sa ilang kaugalingon kun ‘transition stage’ rason nga mouban kini sa ubang grupo.
“Personally, nindot kung nay support ug guidance sa ginikanan diin sa balay pa lang naa nay authority para dili na mogawas sa panimalay.”
RadyoMaN Jason Amisola
