Davao City – Suportado sa United Leaders Advocators of Davao del Norte (UNLAD) Kabataan ang nationwide curfew alang sa mga menor-de-edad nga maglatagaw sa dis-oras sa kagabhion.
Dakung uyon si UNLAD Kabataan Founding Chair Dr. Faith Prieto nga ipatuman sa tibuok nasud ang curfew aron dili madisgrasya ang mga kabataan sa kadalanan panahon sa lawum sa kagabhion.
Dili lang curfew ang dapat ipatuman apan lakip na nga i-regulate ang mga internet café kay daghan sa mga menor-de-edad dili dayon maka-uli tungodkay naadik sa pagdula sa internetan bisan og gabii na
Anaa usab ang kakuyaw sa kadalanan kun gabii na busa aron dili madisgraya ang mga kabataan angay lang usab ipatuman ang palisiya kontra mga internet café nga magdili kanila sa pagdawat og mga bata nga magdula pag-abot sa kagabhion.
Kun mag-curfew man gikinahanglan magsugod gikan alas 10:00 sa gabii hangtud alas 5:00 sayo sa kabuntagon sanglit mao kini ang ideal nga mga oras nga angayang anaa na sa panimalay ang mga minors ug wala sa gawas.
Ug kun dili gayod kaya pugngan ang mga kabataan ang mga gikinanan na mismo ang kasuhan aron ma-pugos sila sa pagpanton ug pagdisiplina sa ilang mga anak gikan sa pagkalaagan.
Si Prieto nagbutyag nga base sa ilang pagtuon ang pagpabaya ug kuwang nga attention sa mga ginikanan nagpa-agni sa mga kabataan aron muuban sa mga barkada ug maglatagaw sanglit buot nila matilawan ang kalipay uban sa ilang mga higala nga dili maayo og impluwinsiya ngadto kanila.
Suhestiyon pa ni Prieto nga pareho ipailawom sa recovery program ang mga kabataan ug ang mga ginikanan.
RadyoMaN Joel Viray
