Davao City – Nanawagan karon ang muslim community nga malugwayan pa ang mipatigbabaw karon nga martial law sa isla sa Mindanao ug kung mahimo ipatuman kini sa entero nasud.
Sa pakighinabi sa DXDC RMN Davao kang Ustadz Mahmoud Aleem Adilao, regional chairman sa Ulama League of the Philippines nanghinaut kini nga malugwayan pa ang balaod militar ug kung mahimo magpabilin ang martial law sa paglingkod ni Pangulong Rodrigo Duterte.
Kini human sa hulga sa seguridad labi na sa bag-ohay lamang nahitabo nga pagpamomba sa usa ka simbahan sa Jolo, Sulu niadtong Dominggo, Enero 27, 2019 nga gikamatay sa kapin 20 ka mga indibidwal.
Gibutyag ni Adilao nga gikatakdang magpahigayon og general assembly ang grupo diin usa sa ilang i-propose sa maong panagtigum mao ang pagsuporta sa nationwide martial law.
“Ang panawagan sa Ulama League of the Philippines, permanent ang martial law sa Mindanao. Adunay among i-propose sa meeting diin usa sa among agenda nga ang martial law sa Mindanao himuong nationwide.”
RadyoMaN Kirby Manzon
